பசி

பசி :


திடீரென்று இடித்த இடியில் மிரெண்டெழுந்தான் மாரி , கோயிலுக்கு போனவள இன்னும் காணுமே’னு அவனுக்குள் இருந்த பதட்டமே இதற்கு காரணம். ஈஸ்வரியும் மீனாக்காவும் கோயிலுக்கு போவதா சொல்லிட்டு போனாங்க’னு மீனாக்காவோட மக கார்த்திகா சொல்லித்தான் தெரிஞ்சிக்கிட்டான் மாரி. இன்னைக்கு மாதாந்திர வெள்ளி , வழக்கமா மாரி தான் அவள கூட்டிட்டு போவான் ,வெள்ளன வீடு வர முடியல , நாலு நாள நல்ல மழையா பெய்வதினால் நெல்லு வயலுக்குள் இருந்த தண்ணீரை விலகி விட்டுட்டு எல்லா வாய்க்காலையும் அடைச்சிட்டு தண்ணி தங்கவிடாம வெளியேறுதானு பாத்திட்டு வர தாமதம் ஆயிருச்சி , எட்டு மணிக்கெல்லாம் நடை சாத்திருவாங்க’னு இவனுடைய பொண்ணாட்டி கோயிலுக்கு போரேன்’னு பக்கத்து வீட்டு கார்த்திகாட்ட சொல்லிட்டு அவுக அம்மா மீனா கூட கோயிலுக்கு போயிருக்கா’னு தொப்பளா நனைஞ்சி வந்த மாரிக்கு கிடைத்த தகவலையும் நெனச்சிக்கிட்டே, மணியும் ஏழேமுக்கால் ஆச்சி இன்னும் ஆளக்காணுமே’னு இவன் துணியக்கூட மாத்தாம ஈரத்தோட சுவத்துல சாய்ந்திருந்தவன் அப்படியே அசந்து தூங்கியும் போனான். வயக்காட்டில் அங்கும் மிங்கும் அலைந்து மதியம் சாப்பிடக்கூட நேரமில்லாமல் பசி தான் அவனை தூங்க வைத்திருக்க வேண்டும்.


மாமா ....மாமா...என்று புன்னைகையுடன் எழுப்பியவள் ஈஸ்வரி

இன்னைக்கு என்ன இவ்ளோ லேட் ஈஸ் ?தூக்க கலக்கத்துடன் கேட்டான் மாரி

குடையை எடுத்திட்டுப்போக மறந்திட்டேன் மாமா ,அதுதான் மழை நிக்கும் வரைக்கு கோயில உக்காந்து இருந்தோம் ,

நீ ஏ மாமா மத்தியானம் சாப்பிடக்கூட வராம சாய்ந்திரமும் இவ்ளோ நேரமாயிருச்சி ? உனக்காக எவ்ளோ நேரம் காத்திருந்தேன் தெரியுமா ?


அடிபோடி இவளே , பக்கத்துக்காட்டுக்காரன் தண்ணிய வெளகி இந்தப்பக்க வாய்க்காலுல விட்டுட்டான், நம்ம வயலுல மூணு குண்டு பள்ளத்துல கெடக்கா தண்ணிக்காடு வாமடைய உடைச்சிட்டு நம்ம வயலுக்குள்ள போயிருச்சி , அத நம்ம கருவாயன் காட்டுவழியா வெளகி விட்டு அந்த வாய்க்காலுக்கு கொண்டுபோக போனா வாய்க்காவரப்பெல்லாம் கொடியும் ,முள்ளும் படந்து அடர்ந்து இருந்துச்சி பின்ன வாய்க்கால செதுக்கி கொண்டுபோய் விட்டுட்டு திரும்பிப்பார்த்தா கருவாயன் வந்திட்டான்.அவன்க்கிட்ட கதைய சொல்லி சமாளிக்க போதும் போது’னு ஆயிடுச்சி ஈஸ்’னு சொன்னவன் காலப்பார்த்தவளுக்கு தூக்கிவாரியது என்னது மாமா இரத்தம் ?

அதுதான் சொன்னேனே ,வாய்க்கா செதுக்குனோம்’னு எங்கையாவது இடிச்சிருக்கும் , சரி

குளிச்சிட்டு வாரேன் , என்ன குழம்பு இன்னைக்கு ?

வெள்ளிக்கிழம என்ன வைப்பாங்களாம் ? சாம்பார் தான் மாமா சிரிச்சிக்கிட்டே சொன்னவ , வாளி’ல தண்ணி வைச்சாள்.மாமா சுடு தண்ணில குளிக்க மாட்டார்’னு அவளுக்கு நல்லாவே தெரியும்.

குளிச்சி வந்தவனுக்கு பாசத்தோட சோறு போட்டாள்.

குனிஞ்சி சாப்பிட போனவன் காதுல ஐயா.........’னு குரல்க்கேட்டு நிமிர்ந்தான்.

நீ சாப்பிடு மாமா ,நான் போய் யார்’னு பார்க்கிறேன்’னு எழுந்தவளை நிறுத்தி அது கருவாயன் தான் ஈஸ் , நீ சாப்பிடு,

வெளியே.

ஐயா கம்மாயி’ல மடைய திறந்து விட்டாங்களாம் இது கருவாயன்

கெரகம் புடிச்சவனுங்க இப்ப எதுக்கு திறந்தாங்களாம் , ஒரு வாரத்துக்கு முன்னாடி வயக்காடு காஞ்சி கருவாடா கெடக்கும் போது கேட்டதுக்கு தொறக்காதவனுவ’னு முணங்கிக்கிட்டே திரும்பவம் ஈஸே ஈஸே இந்தா காட்டுக்கு போனதும் வாரோம்’னு சொன்னத கேட்ட ஈஸ் , மாமா மாமா’னு கூப்பிட்டுக்கிட்டே வெளியே வரும்முன் சைக்கிளை எடுத்திட்டு கருவாயனும் மாரியும் தெருக்கோடியை கடந்திருந்தார்கள். மாமா வரும்’னு மத்தியானமும்
சாப்பிடாமா காத்துக்கிடந்த ஈஸ்க்கும் வயிறு பசித்து தான் இருந்தது.


மழையும் லேசா வெறித்திருந்தது .....


ஏதோ போஸ்ட் பண்ணனும்னு தோணுச்சி , பாத்து படிச்சி சொல்லிட்டு போங்க :) இந்த வருச ஆ’ரம்பம்.