இந்தியா ஏன் வளரும் நாடாவே இருக்கு ?

நான் பதினொன்று ”டி”பிரிவு படித்துக்கொண்டு இருந்த போது நடந்த ஒரு நிகழ்வு :




பொருளியல் பாட வேளையில் நடந்த நிகழ்வு தான் :




எங்க பொருளியல் வாத்தியாரை பற்றி சொல்லியே ஆக வேண்டும் (வேண்டானா விடவா போறேன்), இவரு பொருளியல் வாத்தியார் மட்டுமில்லிங்க எங்கள் பள்ளியின் துணை தலைமை ஆசிரியரும் கூட, இவரு பள்ளிக்கு வரும் ஸ்டைலே தனி (என்ன தலைகிழாவா நடந்து வருவாரு?) எப்படின்னா, சைக்கிளில் வந்து இறங்கியவுடன் தனது கூடை பையை (அதுல நோட்டு,புத்தகம்லாம் இருக்காதுங்க) எடுத்து கட்டை விரலிலும், ஆள் காட்டி விரலிலும் பிடித்துக்கொண்டு (ட்ரை பண்ணி பார்க்கிறிங்களா?) அப்படியே கைய வீசி நடந்து வருவாரு , அப்புறம் ஒரு வசிகர புன்னகை எப்பவும் அவருடைய உதட்டில் குடி கொண்டு இருக்கும் , அவர் பேசும் தமிழும் ஸ்டைல் (எலே லே லே ,மாடு ) எதையும் ரெண்டு மூனு வாட்டி சொல்லுவார் (அப்ப அவருக்கு அவரே எக்கோ கொடுத்துப்பாருன்னு சொல்லுங்க) பின்ன நல்ல நகைச்சுவையா பேசுபவர் , அடுத்தவர்கள் கஷ்ட்த்தை உணர்ந்து கொள்பவர் , நல்ல பண்பாளர் , எப்பையுமே வெள்ளை சட்டை வெள்ளை கால் சட்டையும் போட்டு இருப்பார், காய்ச்சல் , தலைவலி , வயித்துவலின்னு போய் அரை நாள் விடுமுறை கடிதம் எழுதி கொடுத்தா உடனே முட்டை முட்டையா (அவ்வ்வ்வ்வ்வ்வ்) போட்டு வீட்டுக்கு கொண்டு போய் விட்டுட்டு வர துணைக்கு ஆளும் அனுப்புவார்னா பாத்துக்கோங்களேன் (அம்முட்டு நல்லவர்) இன்னும் நிறையா சொல்ல்லாம் இவர பற்றி ..


இவரோட பாடவேளை (எப்பவுமே மதிய உணவுக்கு அப்புறம் தான்) ஐந்தாவது பாடவேளையாத்தான் வரும் எல்லோரும் உண்ட மயக்கத்தில் இருப்போம். எதாவது ஒரு சில நாள் தான் சிலர் அப்படியே சொர்க்கத்துக்கும் ,சிலர் எதாவது ஒரு தியட்டருக்கும் போயிட்டு வருவாங்க கனவுலங்க , அப்படி ஒருத்தன கண்டு பிடிச்சிட்டாருனா , அவருக்கு பக்கத்தில இருக்கிறவனிடம் ஏலே ஆப்பகாதா அந்த ஆப்ப காதன எழுப்பிவிடு நு சொல்வார்,அவன் எழுந்தவுடன் ராஜாவுக்கு பெட்டும் தலைவானியும் கொண்டு வந்து போட சொல்லவான்னு கேப்பார் ,அவன் அந்த வகுப்பறைக்கு (சுயநினைவுக்கு) வந்ததும் இப்ப எதுல நிப்பாட்டுனேன் அதுல இருந்து வாசிலே’னு வாரு , அவன் திக்கு முக்காடி நிப்பான் ,சரி அப்படியே நில்லு ஆந்தக்கண்ணா’னு சொல்லிட்டு மருபடியும் பாடம் நடத்துவார்


இப்படி தான் ஒரு நாள் எல்லாருமே விழித்துக்கொண்டு இருந்தோம் ,(ஹி ஹிஹி) ஆரம்பத்திலையே ஒரு காமடி பண்ணிட்டார், அது என்னானா .......அன்னைக்கு எல்லோரும் அவங்க அவங்க பெஞ்சு மேல உக்காந்து இருந்தோம் ....


(எல்லாரும் அந்த ஊதுபத்தியே பாருங்க , அந்த புகை சுத்தி சுத்தி நாம எல்லாம் பிளாஸ்பேக்குக்குள்ள போவோம்)






வளரும் நாடுகள் வளர்ந்த நாடுகள் &வளர்ந்து கொண்டு இருக்கும் நாடுகள் இதனை பற்றிய வகுப்பு தான் போய்க்கொண்டு இருந்திச்சி ,அப்ப ஒரு ஆப்பக்காதன் எழுந்திருச்சி சார் இந்தியா ஏன் சார் வளரும் நாடுகளிலையே இன்னும் இருக்குதுன்னு கேட்டான் ,(இந்தியா வளரும் நாடுகள தான் இருக்கான்னு கேக்க பிடாது) அதுக்கு பொருளியல் வாத்தியார் சொன்ன பதில கேட்டதும் பக்கத்துல இருந்த 12’அ”(A group),11(அ,ஆ A.B group), நாங்க எல்லோரும் கெக்க பிக்க , கெக்க பிக்கன்னு சிரிக்க ஆரம்பிச்சிட்டோம், அவ்ளோ தான் எல்லா வகுப்புக்குள்ள இருந்த வாத்தியார்,டீச்சர்ஸ் எல்லாம் வெளில வந்து பார்க்க ஆரம்பிச்சிட்டாங்க , (ஏன் ? அப்படி என்ன சொன்னார்னு கேக்குற மாதிரி இருக்கு) அப்படி அவர் என்ன சொன்னார்னா , இந்தா நீயெல்லாம் இப்படி கேள்வி கேக்குறி’ல அதனாலத்தாலே இன்னும் வளரும் நாடாவே இருக்குதுன்னார்(ஹி ஹி ஹி அட நீங்களும் சிரிங்கப்பா )


இந்த மாதிரி பல நிகழ்வுகள் உங்கள் வாழ்க்கையில் நிகழ்ந்திருக்கலாம் அதனை இங்கு பகிர்ந்து கொள்ளலாமே !